2025 yil oxirigacha mehmonxonalar va sayyohlik obъektlarida halollik talablariga javob beruvchi maxsus davlat standarti ishlab chiqiladi.

Indoneziyaning Bali orolida xorijlik sayyohlar soni koʻpayishi ortidan jinoyatchilik avj olib, mehnat bozorida raqobat kuchaygani maʻʻlum qilindi. Shu bois hukumat ushbu hududda turizm islohotini amalga oshirish, “giyohvand moddalar, jinoiy guruhlar va boshqa muammolarni olib kelayotgan” xorijliklarni deportatsiya qilishni rejalashtirmoqda.

Yaponiya sayyohlik agentligi xorijlik sayyohlarning diniy ehtiyojlarini inobatga olgan holda, halol va vegetarian taomlar oʻrin olgan taomnomalarni ishlab chiqish, shuningdek, turizm obʻʻektlarida namozxonalar tashkil etish boʻyicha xududlarni qoʻllab-quvvatlash dasturini ishga tushirdi.

Isroildagi mehmonxonalarning 10 foizi moliyaviy inqiroz yoqasida turibdi. Gʻazodagi urush boshlanganidan soʻng 2024 yilning dastlabki olti oyida mamlakat mehmonxonalarida 969 ming yoki oʻtgan yilning shu davriga nisbatan 81 foizga kam sayyoh tunagan. Sayyohlarning kam tashrif buyurayotgani mehmonxona va turizm xizmatlarini koʻrsatib kelayotgan Quddus aholisiga ham salbiy taʻʻsir koʻrsatmoqda.

Oʻzbekiston prezidenti va Malayziya bosh vaziri islom moliyasi, «Halol» sertifikatlashtirish, sunʻʻiy intellekt, turizm sohalarida hamkorlikni kengaytirishga kelishib oldi. Ziyorat turizmi boʻyicha «Umra plyus» dasturi yoʻlga qoʻyiladi. Prezident Oʻzbekiston-Malayziya sanoat zonasini tashkil etishga tayyorligini aytdi.

Dunyoda halol mol goʻshti eksporti boʻyicha etakchi boʻlgan Braziliya musulmon davlatlaridan koʻproq sayyohlarni jalb etish maqsadida mavjud masjidlar, musulmonlar uchun qulayliklar va boshqa maʻʻlumotlar oʻrin olgan turistik qoʻllanma ishlab chiqdi.