Isroilda turizm qiyin ahvolda
Isroildagi mehmonxonalarning 10 foizi moliyaviy inqiroz yoqasida turibdi. Gʻazodagi urush boshlanganidan soʻng 2024 yilning dastlabki olti oyida mamlakat mehmonxonalarida 969 ming yoki oʻtgan yilning shu davriga nisbatan 81 foizga kam sayyoh tunagan. Sayyohlarning etishmasligi mehmonxona va turizm xizmatlarini koʻrsatib kelayotgan Quddus aholisiga ham salbiy taʻʻsir koʻrsatmoqda.
Isroildagi
mehmonxonalarning qariyb 10 foizi Gʻazo urushi boshlanganidan beri sayyohlar soni
keskin kamayishi ortidan moliyaviy inqiroz yoqasida turibdi, deya xabar qildi Yedioth
Ahronoth nashri.
Isroil mehmonxonalar assotsiatsiyasi (IHA) 2024 yilning birinchi yarmidagi
mehmonxona faoliyati toʻgʻrisidagi hisobotida Isroil turizm sektori oldida turgan jiddiy moliyaviy muammolar turganini qayd etdi.
Assotsiatsiya bosh direktori Sivan Detaukerning soʻzlariga koʻra,
mehmonxonalarning 10 foizga
yaqini tez orada
yopilish xavfi ostida, boshqa koʻplab mehmonxonalardagi vaziyat inqiroz holatida.
2024 yilning birinchi yarmida mehmonxonalarda 969 mingga yaqin yoki oʻtgan yilning shu
davriga nisbatan 81 foizga kam sayyoh tunagan.
Turizm vazirligi maʻʻlumotlariga koʻra, 2024 yilning birinchi
olti oyida Isroilga bor-yoʻgʻi 500 ming xorijiy sayyoh tashrif buyurgan. Bu oʻtgan yilning shu
davridagi ikki millionga nisbatan – 76 foizga kam.
Sayyohlarning
etishmasligi mehmonxona va turizm xizmatlarini
koʻrsatib kelayotgan Quddus aholisiga ham salbiy taʻʻsir koʻrsatmoqda.
Mavzuga aloqador
-
Gʻazo urushi boshlanganidan beri 370 mingga yaqin isroillik mamlakatni tark etdi va ular qaytib keladimi yoki yoʻqmi, hozircha nomaʻʻlum, deb yozmoqda Isroil matbuoti.
-
Isroilning Falastinda 2023 yil 7 oktyabrdan buyon davom ettirayotgan qirgʻinbarot urushida nimalarni yoʻqotdi? Urushdan aziyat chekayotgan, qurbon berayotganlar faqat Falastin tomonimi – 9 oyda Isroilning yoʻqotishlari.
