Braziliya musulmon davlatlardan koʻproq sayyohlar jalb etmoqchi

Braziliya musulmon davlatlardan koʻproq sayyohlar jalb etmoqchi

 

Dunyoda halol mol goʻshti eksporti boʻyicha etakchi boʻlgan Braziliya musulmon sayyohlarni jalb qilishga intilmoqda va buning uchun qator chora-tadbirlar koʻrmoqda. Bu haqda Arab News xabar bermoqda.

Qayd etilishicha, hozirda musulmon davlatlaridan Braziliyaga kelayotgan sayyohlar ulushi juda kam. 2023 yilda San-Pauluga arab davlatlaridan atigi 21500 sayyoh tashrif buyurgan.

San-Paulu shtati rasmiylari musulmon sayyohlar uchun jozibadorlikni oshirishdan manfaatdor ekanini taʻʻkidlamoqda, deyiladi xabarda.

“Biz musulmonlar uchun qulay turistik qoʻllanma ishlab chiqdik, unda mintaqadagi masjidlar, musulmonlar konsulliklari va turistik diqqatga sazovor joylar haqida maʻʻlumotlar mavjud, - degan turizm boʻyicha davlat koordinatori Ana Klemente.

Halol mahsulot va xizmatlar boʻyicha treninglar taklif qiluvchi Xalqaro Halol Akademiyasi bosh kotibi Ali Zagbining Arab News nashriga maʻʻlum qilishicha, San-Paulu shtati ham, Braziliya poytaxti Braziliya joylashgan Federal okrug ham musulmonlar uchun qulay sayyohlik maskaniga aylanish uchun harakat qilmoqda.

Uning qoʻshimcha qilishicha, San-Paulu aholisi xilma-xil boʻlib, jumladan, koʻp asrlik musulmon jamoasi va bir nechta masjidlar mavjud. “Bu Braziliyaning asosiy darvozasi va Islom olamidan kelgan ishbilarmonlar uchun eng muhim joy”, ‑ dedi u.

Bugungi kunda AQSh, Evropa, Chili va Argentinadan sayyohlar har yili San-Pauluga keladigan mehmonlarning asosiy qismini tashkil qiladi.

"Ammo San-Paulu maʻʻmuriy markazi va qishloq hududlarida musulmon sayyohlar uchun bir nechta diqqatga sazovor joylar mavjud", - deya qoʻshimcha qildi u.

Dastur ishga tushirilgandan beri San-Paulu shahridagi etakchi mehmonxonalardan biri musulmonlarga muvofiqlik sertifikatini oldi, yana ikkita mehmonxona bu borada ishlamoqda.

"Kerakli tuzatishlar unchalik murakkab emas, lekin baʻʻzi tafsilotlar muhim, masalan, xonalarga qibla stikerlarini qoʻshish, musulmon mehmonlar uchun xonalardan spirtli ichimliklarni olib tashlash va barcha choʻchqa goʻshtini menyudagi boshqa mahsulotlardan ajratish kabi", deb tushuntirdi Zgbi.

Hammomlarga tahorat olish uchun dush shlanglarini oʻrnatish, joynamozlar tarqatish, Qurʻʻoni Karim nusxalarini tarqatish ham muhim chora-tadbirlardan, dedi u.

“Asosiy vazifa – mehmonni oʻzini uyidagidek his qilish. Biz farqlarni bilishimiz va bu odamlar kimligini va ularning ehtiyojlarini tushunishimiz kerak”, - dedi Zagbi.