YuNRVA Isroil harbiylarining falastinliklarga nisbatan qoʻllanayotgan qiynoqlar haqida maʻʻlum qildi. Oʻzboshimchalik bilan hibsga olingan gʻazoliklar yalangʻoch echintirilib, xoʻrlanmoqda, turli xil qiynoqlarga solinmoqda. Hibsga olinganlarning hojatga chiqishi ham taqiqlanmoqda.

Isroil falastinliklarni koʻchaga olib chiqish va ularni oson nishonga aylantirish uchun yigʻlayotgan ayollar va goʻdaklarning ovozlari yozuvlaridan foydalanmoqda. Ovoz qaerdan kelayotganini aniqlash va yordam berish uchun chiqqanlarni otib oʻldirmoqda. Shuningdek, tinch aholini qoʻrqitish va ruhiy azoblash maqsadida boshqa tovushlarni ham qoʻllamoqda.

Isroilning qamaldagi Gʻazo sektorida 6 oy davomida olib borgan hujumlari natijasida 33,7 mingdan ortiq falastinlik halok boʻldi, 76,3 mingdan ortiq kishi jarohatlandi.

Isroil armiyasining Gʻazo sektori shimolida navbatda turgan gumanitar yordam olish uchun kutayotgan falastinliklarga bugungacha uyushtirgan zarbalari natijasida jami 560 kishi halok boʻldi, 1523 kishi tan jarohati oldi.

Gʻazoda samolyotdan tashlangan gumanitar yordam paketlari parashyutlari ochilmagani sababli bir oziq-ovqat kutayotgan bir qancha falastinlik halok boʻldi. Qurbonlar soniga aniqlik kiritilgani yoʻq.

JSST rahbari Tedros Adxanom Gebreesus 100 mingdan ortiq gʻazoliklar yo oʻlgan, yaralangan yoki bedarak yoʻqolgan va halok boʻlgan deb hisoblanayotganini maʻʻlum qildi. Uning qayd etishicha, eksklavda ocharchilik xavfi yuqori va bu xavf kundan-kunga ortib bormoqda.

Oʻn yillar davomida Gʻarb matbuoti musulmonlarni soqolli terroristlar sifatida koʻrsatib kelayotgan edi, biroq gʻazoliklar bu tasavvurlarni sindirdi.