Isroil Gʻazo sektorida bir yildan buyon genotsid jinoyatini amalga oshirar ekan, qamoqxonalarni ham falastinliklarga qarshi muntazam qiynoqlar oʻtkaziladigan joylarga aylantirdi.

2023 yil 27 oktyabrdan beri Isroil eksklavda minglab falastinliklarni, jumladan ayollar, bolalar, shifokorlar va fuqarolik mudofaasi xodimlarini hibsga oldi.

Minglab falastinliklar shunchaki "jang qilish yoshida" boʻlgani yoki Falastin qarshiliklarini qoʻllab-quvvatlash aybi bilan hibsga olingan. Ularning baʻʻzilari keyinchalik ozodlikka chiqarilgan, boshqalari jazoni gʻayriinsoniy sharoitlarda oʻtamoqda.

Isroil qamoqxonalari qiynoqlar lageriga aylandi

Isroil qamoqxonalari falastinliklar jismoniy va jinsiy zoʻravonlik, ochlik va uyqusizlik kabi shafqatsiz qiynoqlarga duchor boʻlayotgan "qiynoq lagerlar"iga aylandi, deyiladi Isroilning “Betselem” (B'Tselem) notijorat tashkiloti hisobotida.

“Doʻzaxga xush kelibsiz: Isroil qamoqxonalari qiynoq lagerlari tarmogʻiga aylandi” nomli hisobot avgust oyida bir necha tillarda chop etildi.

Tadqiqot davomida “Betselem” Isroil qamoqxonalarida saqlanayotgan 55 nafar falastinlikdan guvohlik toʻpladi. Ulardan 30 nafari Gʻarbiy Sohil, jumladan Sharqiy Quddus aholisi, 21 nafari Gʻazo sektori va toʻrt nafari asli arab boʻlgan Isroil fuqarolaridir.

Sobiq mahbuslar, jumladan, shifokorlar, olim ayollar, huquqshunoslar, universitet talabalari, bolalar va siyosiy etakchilar Isroil Gʻazo sektoriga hujumlar boshlagan 2023 yil 7 oktyabrdan keyin Isroil qamoqxonalarida boshlaridan oʻtkazgan holatlar haqida gapirgan.

Falastinliklar qamoqxonalarda zoʻravonlik va qiynoqlar, jumladan jinsiy zoʻravonlik, xoʻrlash, ochlik va shafqatsiz oʻzboshimchalik bilan zoʻravonlik qilish boʻyicha tizimli siyosat olib borilayotganini taʻʻkidlagan.

Jinsiy tajovuz, xoʻrlash, qasddan ochlik, majburiy antisanitariya, uyqusizlik, diniy amallarga qarshi taqiq va jazo choralari, barcha shaxsiy buyumlarni musodara qilish va tegishli tibbiy yordam koʻrsatishdan bosh tortish – sobiq mahbuslar Isroil qamoqxonalaridagi sharoitlarni shunday tasvirlaydi.

Hisobotda aytilishicha, 12 dan ortiq harbiy fuqarolik qamoqxonalaridagi har bir mahbus ataylab shafqatsiz, tinimsiz ogʻriq va azob-uqubatlarga duchor boʻlgan.

Gʻazo sektoridagi hujumlardan oldin, Isroil qamoqxonalarida 5192 falastinlik boʻlgan, 2024 yil iyulʻ oyi boshida esa 9623 nafarga etgan. Falastinliklarning 4781 nafari sudsiz va ayblovlarsiz “maʻʻmuriy qamoq” niqobi ostida qamoqxonalarga joylashtirilgan.

Isroil qamoqxonalarida qancha falastinlik saqlanayotgani haqida aniq maʻʻlumot yoʻq, biroq Isroil matbuotiga koʻra, bu raqam kamida 4500 nafarni tashkil qiladi.

"Isroil Guantanamosi": Sde Teyman hibsxonasidagi mislsiz qiynoqlar

Gʻazo sektorida Isroil armiyasi tomonidan qoʻlga olingan falastinliklarga nisbatan gʻayriinsoniy jinoyatlar, ayniqsa jinsiy zoʻravonlik va qiynoqlar sodir etilayotgan Sde Teyman falastinliklarga eng shafqatsiz munosabatda boʻlgan qamoqxonalardan biri sanaladi.

Isroil qamoqxonalaridagi falastinliklarga nisbatan jismoniy va ruhiy zoʻravonlik qarorgohi Isroilda joylashgan Fuqarolik huquqlari nodavlat tashkiloti uyushmasi hisobotida batafsil bayon etilgan.

Hisobotda Sde Teymanda jarrohlik amaliyotlari behushliksiz amalga oshirilgani, mahbuslarning ogʻriq keltiruvchi tarzda qoʻllariga kishan solingani, uzoq vaqt koʻzlari bogʻlangan holda qoldirilgani, zoʻravonlik qoʻllangani va tibbiy eʻʻtiborsizlik koʻrsatilgani qayd etilgan.

Isroil qamoqxonalarida 48 falastinlik oʻldirildi

Haaretz nashrining 29 iyulʻ kuni xabar berishicha, Isroil armiyasi Isroil qamoqxonalarida 48 nafar falastinlik halok boʻlganini tekshirmoqda.

Bu kishilarning koʻpchiligi Gʻazoda qoʻlga olingani, 36 nafarining esa Sde Teymanda halok boʻlgani qayd etildi.

18 sentyabrʻ kuni Isroil Oliy sudi Sde Teymanni yopish toʻgʻrisidagi soʻrovni inson huquqlari tashkilotlari hibsxonada qonunbuzarliklar sodir etilganini isbotlaganiga qaramay, rad etdi.

Haaretz Sde Teymandan tashqari, Isroil shimolidagi Megiddo qamoqxonasi ham falastinlik mahbuslarga qarshi doimiy ravishda dahshatli jinoyatlar sodir etiladigan va muntazam qiynoqlar qoʻllaniladigan yana bir qamoqxona ekanini taʻʻkidladi.

Megiddodan sizdirilgan hujjatlar yuzlab falastinlik mahbuslar bir qator dahshatli qiynoqlarga, jumladan, ularni kamsitish uchun itlar hujumlariga duchor boʻlganini koʻrsatdi.