Hibsga olingan falastinliklar qiynoqlar ostida qolmoqda

YuNRVA Isroil harbiylarining falastinliklarga nisbatan qoʻllanayotgan qiynoqlar haqida maʻʻlum qildi. Oʻzboshimchalik bilan hibsga olingan gʻazoliklar yalangʻoch echintirilib, xoʻrlanmoqda, turli xil qiynoqlarga solinmoqda. Hibsga olinganlarning hojatga chiqishi ham taqiqlanmoqda.

YuNRVA Isroil harbiylarining falastinliklarga nisbatan qoʻllanayotgan qiynoqlar haqida maʻʻlum qildi. Bu haqda YuNRVA komissari general Filip Lazzarini maʻʻlum qildi, deya xabar bermoqda Islam News.

Uning soʻzlariga koʻra, oʻzboshimchalik bilan hibsga olingan gʻazoliklar yalangʻoch echintirilib, xoʻrlanmoqda, turli xil qiynoqlarga solinmoqda. Hibsga olinganlarning hojatga chiqishi ham taqiqlanmoqda. Hibsga olingan BMT xodimlari ushbu maʻʻlumotni tasdiqlagan.

Bir vaqtning oʻzida Gʻazoda Isroil xavfsizlik kuchlari qurboni boʻlgan falastinliklarning ommaviy qabrlarini topish davom etmoqda. Sogʻliqni saqlash vazirligi maʻʻlumotlariga koʻra, oʻldirilganlarning koʻpchiligi, jumladan, ayollar va bolalar qiynoqqa solingan, qatl qilingan, baʻʻzilari esa oʻlim oldidan tiriklayin koʻmilgan. Birgina Yunisdagi Nosir tibbiyot majmuasi hududida 400 dan ortiq odamning jasadi topildi.