Ўзбекистоннинг Туркиядаги элчихонаси ва Бош консулхонаси томонидан Мубашшир Аҳмадга нисбатан тегишли консуллик-ҳуқуқий ёрдам кўрсатилаётгани маълум қилинди.

Ўзбекистоннинг Истанбулдаги Бош консулхонаси январь-февраль ойларида 163 нафар Ўзбекистон фуқароси Туркияга киритилмагани, уларнинг 54 нафари муқаддам Туркияга келиб, қонунбузарлик содир этиб киришига тақиқ қўйилганлар эканини маълум қилди. Шунингдек, Туркия ҳуқуқ-тартибот идоралари ходимлари ўзбекистонликларга қўпол муомалада бўлаётгани ҳақидаги шикоятлар ҳам келиб тушаётгани айтилди.

Анқарадаги қўпорувчилик ҳаракатидан сўнг Туркиядаги барча аэропортларда тўқ сариқ рангли огоҳлантириш эълон қилиниб, хавфсизлик чоралари кучайтирилди. Ўзбекистоннинг Истанбулдаги Бош консулхонаси мамлакат фуқароларини Туркияда жорий қилинган эҳтиёт ва хавфсизлик чораларига риоя қилишга чақирди.