Украина учувчисиз учоқлари уруш бошланганидан бери биринчи марта Доғистон ҳудудига ҳужум қилиб, Каспийскдаги бир қатор ҳарбий нишонларга зарба берди. Ҳужум Махачқалъа аэропортида уч рейснинг кечиктирилишига сабаб бўлди. Қурбонлар ҳақида маълумот йўқ.

Украина қуролли кучларининг учувчисиз учоқлари Саратов ва Энгельсдаги кўп қаватли турар-жой биноларига ҳужум қилди, деди Саратов вилояти губернатори Роман Бусаргин. Шунингдек, Энгельс туманидаги Прибрежний қишлоғида яна тўртта хусусий уй зарар кўрди. Ҳужумлар натижасида бир киши оғир яраланган.

Украина учувчисиз учоқлари илк бор Мурманск вилоятига ҳужум қилди. Чегарадан учоқ уриб туширилган жойгача масофа рекорд даражадаги 1850 км ни ташкил этади. Ушбу ҳужум РФ ҳаво ҳужумидан мудофаа кучларининг заифлиги натижаси сифатида баҳоланди.