Дин ишлари бўйича қўмита экстремизм ва терроризм ғоялари билан йўғрилган деб топилган ва Ўзбекистонга олиб кириш, тайёрлаш, тарқатиш ва намойиш этиш тақиқланган Telegram, YouTube каналлар, Facebook, OK.RU, Instagram, TikTok саҳифалар ва сайтлар рўйхатини янгилади. Рўйхатда тақиқланган китоб ва нашидалар ҳам ўрин олган.

Муборак Рамазон ойи давомида Доғистон ҳудудида алкоголь маҳсулотларининг чакана савдоси тўлиқ тақиқланди. Мазкур тақиқни бузганларга жазо қоидабузарнинг мақомига қараб турлича бўлади: мансабдор шахслар учун 5 мингдан 10 минг рублгача, юридик шахслар учун эса 50минг дан 100 минг рублгача жарима белгиланган.

Тошкент вилояти ҳокимининг жамоат ва диний ташкилотлар билан алоқалар бўйича ўринбосари Илҳом Арзиқулов отинойилар билан бўлган йиғилишда ҳижобда юриш мумкин эмаслиги, улар ҳам рўмолини орқадан ўраши кераклигини талаб қилган. У ўз сўзларини "Ҳанафий мазҳабида рўмол орқадан ўралади", деган "фатво" билан асослашга уринган.