Туркия Буюк Миллат Мажлиси (ГНТА) Бош Ассамблеясида Швециянинг НАТОга кириши ҳақидаги протоколни ратификация қилишни маъқулловчи қонун лойиҳаси қабул қилинди. 346 депутатдан 287 нафари Швециянинг НАТОга кириши ҳақидаги протоколни ратификация қилиш учун овоз берди.

НАТО Парламент Ассамблеясининг 70-сессияси бўлиб ўтаётган Канаданинг Монреал шаҳрида намойишлар полиция билан тўқнашув ва кўча тартибсизликларига айланди. Тартибсизликларда ҲАМАС тарафдори қиёфасидаги ниқобланган шахслар ҳам қатнашди.

Дания Мудофаа разведка хизмати Европада келгуси беш йил ичида кенг кўламли ҳарбий можаро содир бўлиши ҳақида огоҳлантирди. Ҳисоботда таъкидланишича, агар Россия НАТОни сиёсий ва ҳарбий жиҳатдан заиф деб ҳисобласа, альянснинг айрим давлатларига нисбатан куч ишлатиши эҳтимоли ортади.