Европа Иттифоқи БМТнинг Яқин Шарқдаги фаластинлик қочқинларга ёрдам ва ишлар агентлигини (ЮНРВА) молиялаштириш давом этади ва келаси ҳафтада 50 миллион евро ажратилади. Исроилнинг ЮНРВА ходимлари 7 октябрь куни ҲАМАСга ёрдам берган ҳақидаги даъвоси бўйича ўрганиш ишлари якунига етди.

ЮНРВА Исроил ҳарбийларининг фаластинликларга нисбатан қўлланаётган қийноқлар ҳақида маълум қилди. Ўзбошимчалик билан ҳибсга олинган ғазоликлар яланғоч ечинтирилиб, хўрланмоқда, турли хил қийноқларга солинмоқда. Ҳибсга олинганларнинг ҳожатга чиқиши ҳам тақиқланмоқда.

Ўзбекистон президенти Шавкат Мирзиёев Бишкекда бўлиб ўтаётган Туркий давлатлар ташкилоти (ТДТ) саммитида нутқ сўзлади. У ўз нутқида Яқин Шарқдаги вазиятга ҳам тўхталиб, Исроил томонидан ЮНРВА фаолиятининг чекланганини кескин қоралади. Шунингдек, Шавкат Мирзиёев ТДК фаолиятини кенгайтириш бўйича бир қатор таклифларни илгари сурди.