2024 йил январь-март ойларида Ўзбекистонда қарийб 48,6 мингта никоҳ қайд этилди. Бу ўтган йилнинг мос даврига нисбатан 900 тага кам. Никоҳларда аёлларнинг ўртача ёши 23,3 ёшни, эркакларнинг ўртача ёши эса 28,2 ёшни ташкил этди. Никоҳдан ажралишлар сони 2020 йилнинг мос даврига нисбатан 1,5 баробарга кўпайган.

Россияда жорий йилнинг дастлабки уч ойида 145 мингта никоҳ ва 160 мингта ажралиш қайд этилди. Мутахассисларнинг таъкидлашича, ажралишларга моддий муаммолар эмас, кўпроқ эр-хотин ўртасида руҳий ришталарнинг заифлиги, бир-бирига мослашиш ва музокара ўтказиш қобилиятининг йўқлиги сабаб бўлмоқда. Шунингдек, 30 ёшгача турмуш қурганлар орасида ажрашиш камлиги кузатилмоқда.

Туркияда аёллар ҳуқуқи ва гендер тенглиги учун кураш баҳонасида оилада эркаклар мавқеига зарба берилиши янги муаммолар ва низоларни келтириб чиқармоқда. Айниқса 2011 йил май ойида имзоланган "Истанбул конвенцияси" оила таназзулини энг юқори чўққиларга олиб чиқди. Узоқ йиллик пухта ишлаб чиқилган режа асосидаги саъй-ҳаракатлар ўз “меваси”ни бермай қолмади – бугун турк жамиятида турмуш қуриш ва фарзанд кўриш ёшлари ошган, никоҳлар сони камайиб, ажралишлар кўпайган. Хўш, бунга ечим борми?