Ўзбекистонликларнинг чорак қисми тўй қилиш учун қарз олади

"Юксалиш" ҳаракати ўтказган сўровномада қатнашганларнинг 41,1 фоизи "элга тўй беришим керак" деган мажбурият сабаб тўйга катта харажат қилишини айтган.

  

Сўровномада жами 1247 киши иштирок этган. Шундан 18−30 ёшлилар 34,3 фоизни, 30−45 ёшлилар 35,5 фоизни, 50 ёшдан катталар эса 30,2 фоизни ташкил қилган. 

Тадқиқот пойтахт, вилоят марказлари ва туманларни ўз ичига олган ҳолда мамлакатнинг турли ҳудудларидан бўлган фуқароларни қамраб олган. 

Ажабланарлиси, "Тўй қандай бўлиши керак?" деган саволга респондентларнинг аксарияти – 39,62 фоизи – "Камтарона" вариантини танлаган. "Дабдабали, ҳашаматли" вариантини эса атиги 6,66 фоиз респондент афзал кўрган.