08.07.2025 12:02
57
Хориждан қайтган ўзбекистонликлар ОИВга мажбурий текширилиши мумкин
Олий Мажлис Қонунчилик палатасининг 8 июлдаги мажлисида 90 кун ёки ундан ортиқ муддат чет элда бўлиб қайтган ўзбекистонликлар ва хорижликларни ОИВга мажбурий тиббий кўрикдан ўтказиш кўзда тутилган қонун лойиҳаси иккинчи ўқишда кўриб чиқилди.
Қонун лойиҳаси билан узлуксиз 90 кун ва ундан ортиқ муддат давомида чет элда бўлиб қайтган 18 ёшдан 60 ёшгача бўлган Ўзбекистон фуқароларини мажбурий равишда ОИВга тиббий текширувдан ўтказиш белгиланмоқда.
Шунингдек, хориждан қайтган Ўзбекистон фуқаролари ОИВга мажбурий тиббий текширувдан Давлат бюджети маблағлари ҳисобидан ўтказилиши назарда тутилмоқда.
Қонун лойиҳаси депутатлар томонидан учинчи ўқишда ҳам қабул қилинди ва Сенатга юборилди.
