Тўрт қишлоқ Озарбайжонга қайтарилмоқда: Арманистон изоҳи

Озарбайжон ва Арманистон давлат чегараларини делимитация қилиш комиссиялари ўтказган музокаралар натижаларига кўра, собиқ Иттифоқ даврида Озарбайжон ССР таркибида бўлган, 1990-йиллардан Арманистон назоратига ўтган тўртта қишлоқни Озарбайжонга қайтариш тўғрисида қарор қабул қилинди.

Арманистон бош вазири девони мазкур қарор юзасидан берган изоҳида қишлоқларнинг Озарбайжонга қайтарилиши давлат чегарасидаги хавфсизликка таҳдидларни камайтиришга хизмат қилишини таъкидлаб ўтди.

“Аниқлик учун қайд этамизки, Озарбайжон ўзига қарашли икки ярим қишлоқни олади, чунки Қизилгажили қишлоғининг бутун ҳудуди, Ашаги Аскипара қишлоғи ҳудудининг салмоқли қисми аввал Озарбайжон назоратида бўлган, - дейилади изоҳда. – Арманистон Республикаси эса ушбу жараёнда чегараларни делимитация қилиш ва хавфсизлик билан боғлиқ хавфларнинг камайишига эришади”.

Арманистон ҳукуматининг қўшимча қилишича, чегара делимитация қилинганидан сўнг Арманистон ва Озарбайжон қуролли кучлари контингентлари ушбу тўрт қишлоқдан олиб чиқилади ва уларнинг ўрнига чегара қўшинлари жойлаштирилади.

Арманистон Арцвашен қишлоғини қайтаришга интилади

Арманистон бош вазири девонининг таъкидлашича, Ереван ҳудуди ҳозирда Озарбайжон назоратида бўлган Арцвашен (озарбайжонча номи Башкенд) эксклав қишлоғига эгалик ҳуқуқини қайтариб олмоқчи ва келажакда унинг атрофидаги чегарани демаркация қилишга ҳаракат қилмоқчи.

“Биласизки, Арманистон Республикаси бу масаладан воз кечиши мумкин эмас, чунки Арцвашен мамлакатимиз суверен ҳудудининг бир қисмидир, биз демаркация жараёнида <...> Арцвашен эксклавининг мавжудлигини де-юре оқламоқчимиз. Арманистон Республикаси ҳукуматининг бундай асослари бор, шундан сўнг Арцвашен атрофидаги демаркация жараёни ушбу баённомадан сўнг муаммо қандай сиёсий ечим топади”, — дейилади шарҳ матнида.