04.08.2025 11:07
77
Тошкентда ҳам болаларга ноқонуний диний сабоқ берганлар ушланди
Тошкент шаҳрида ҳам болаларга ноқонуний диний таълим бериб келган шахслар аниқланиб, улар Маъмурий жавобгарлик тўғрисидаги кодекснинг 241-моддаси (диний таълимотдан сабоқ бериш тартибини бузиш) асосида жавобгарликка тортилган.
ДХХнинг маълум қилишича, 1993 йилда туғилган шахс Олмазор туманининг “Жийдали” МФЙда вақтинча истиқомат қилаётган хонадонида 15 нафар болага ноқонуний диний таълим бериб келган.
Республиканинг турли ҳудудларидан келган ўқувчилардан 11 нафари вояга етмагани аниқланган.
Худди шу маҳаллада ижарага олинган яна бир хонадонда ҳам пойтахтнинг Мирзо Улуғбек туманида яшовчи, 1977 йилда туғилган шахс жорий йилнинг июнь ойидан буён 10 нафар болага ноқонуний диний таълим бериб келаётгани маълум бўлган.
Эслатиб ўтамиз, Ўзбекистонда ҳамон 18 ёшдан кичик болаларнинг диний таълим олиши учун ҳеч қандай қонуний йўл мавжуд эмас.
