Мирзиёев Коррупцияга қарши курашиш агентлигини танқид қилди

“Ислоҳотлар йўлидаги энг катта тўсиқ ва ғов – бу коррупциядир. Буни дунё тажрибаси ҳам тўлиқ тасдиқлайди. Коррупция оқибатида жаҳон иқтисодиёти йилига 3 триллион доллар зарар кўраётгани бу глобал хавф эканидан далолат. Коррупция шундай ёвуз иллатки, у халқнинг давлатга, Конституция ва қонунларга ишончига путур етказади, барқарор ривожланиш ва хавфсизлик учун жиддий таҳдидга айланади”, деган президент.

Президент ўзининг ташаббуслари билан амалга оширилган ислоҳотларни санаб ўтар экан, Шавкат Мирзиёев "нега бу ишлар Президент топшириқ берганидан кейин бошланиши керак?" дея савол қўйган.

Олдинроқ, Ўзбекистон Transparency International ташкилотининг жаҳон давлатларидаги коррупция даражаси бўйича ҳисоботида Ангола, Эквадор, Кения, Шри-Ланка, Того каби давлатлар қаторида 32 балл тўплаб, 180 та давлат орасида 121-ўринни эгаллаганди.