30.08.2025 09:36
267
Ислом уламолари фатвосидан сўнг Туркия исроил билан алоқаларини тўлиқ узди
Кеча, 29 август куни 150 дан ортиқ уламолар мусулмон давлатларнинг исроил билан ҳар қандай алоқаларини дарҳол узиши фарз эканини эълон қилганди.
Шундан сўнг, ташқи ишлар вазири Ҳоқон Фидан Туркия исроил билан иқтисодий ва савдо алоқаларини тўлиқ бекор қилгани ва мамлакат ҳаво йўллари ҳам улар учун ёпилганини маълум қилди.
Маълумот учун, икки давлат ўртасидаги иқтисодий алоқаларнинг умумий миқдори 2023 йилда 7 млрд долларни ташкил қилган. Бундан 70 фоизи, яъни 5,4 млрд доллар Туркия экспорти ҳиссасига тўғри келган. 2024 йилда эса икки давлат ўртасидаги кўрсаткич бироз пастлаб, 6 млрдни ташкил қилган.
Туркия экспортининг асосий қисми темир, пўлат, алюминий ва пластик кабиларни ташкил қилади. Шунингдек, Туркияда йиғилаётган Eвропа автомобиллари ва қишлоқ хўжалик маҳсулотлари ҳам исроилга экспорт қилинади.
Мутахассислар Туркиядек йирик савдо ҳамкорини йўқотиш исроил иқтисодига жиддий зарба бериши мумкинлигини таҳмин қилишмоқда. Чунки Туркия маҳсулотлари ўрнини босиш бандаргоҳлари бўшаб қолган исроил учун осон кечмаслиги мумкин.
