16.06.2025 09:52
107
Дунё брендлари уйғурларни қулдек ишлатилиши ортидан бойимоқда
Нидерландиядаги GRC инсон ҳуқуқлари ташкилоти халқаро компаниялар Шарқий Туркистонда мажбурий меҳнат билан боғлиқ минерал хомашёларни сотиб олаётгани ҳақидаги ҳисоботини эълон қилди.
Бундай компаниялар рўйхатида Nescafé, Coca-Cola, Carrefour, Walmart, Disney, Starbucks ва яна 60 дан ортиқ брендлар мавжуд.
Хитойлик таъминотчилар уйғурлар ва бошқа туркий халқлар меҳнатини эксплуатация қилиш орқали ушбу компанияларга титан, литий, бериллий ва магний каби металлларни етказиб беряпти.
Ҳисобот эълон қилинганидан сўнг Хитой ташқи ишлар вазирлиги ушбу айбловларни "душманларнинг ёлғони ва мамлакат ички ишларига аралашув" деб атаган.
Расмий маълумотларга кўра, Хитойдаги минерал бойликларнинг 88 фоизи Шарқий Туркистонда жойлашган.
