2050 йилга бориб Марказий Осиёда сув танқислиги 30% гача етиши мумкин

Қирғизистон бош вазири Оқилбек Жапаровнинг таъкидлашича, минтақа иқлим ўзгариши фонида тобора кучайиб бораётган экологик муаммоларга дуч келмоқда.

Олтайда бўлиб ўтган Халқаро экологик конференцияда нутқ сўзлаган Жапаров Қирғизистон экотизими жиддий босим остида эканини билдирди: сўнгги ўн йилликда музликлар ҳажми 16% га қисқарган. Бу эса сел, кўчки, тошқинлар каби табиий офатлар сони ошишига, шунингдек, сув ва энергетика мувозанатидаги бузилишларга олиб келган.

Унинг сўзларига кўра, 2050 йилга келиб Марказий Осиёда сув ресурслари танқислиги 20–30% гача етиши мумкин. Бу эса қишлоқ хўжалиги, энергетика ва минтақадаги миллионлаб одамларнинг барқарор ҳаёт кечириши учун жиддий таҳдидга айланади.