10.07.2025 14:05
67
Ўзини ўлдирмоқчи бўлаётган исроиллик аскарлар сони 145 % га ошган
Ушбу суратда исроил аскари Владислав Сергиенкони кўриб турибсиз. У 2024 йилда ўз жонига қасд қилган эди. Статистик текширувларнинг кўрсатишича, босқинчи исроил армиясида ўз жонига қасд қилиш ҳақида ўйлаётганлар сони 145 фоизга ошган. Тель-Авив университети олимларининг аниқлашича, Ғазода жанговор ҳаракатларда қатнашган аскарларнинг 12 фоизида жиддий психологик бузилишлар кузатилган.
Жумладан, бугун тонгда ҳам кучли психологик стресга тушган Жўлон отряди аскари Сде-Тайман ҳарбий базасида ўз жонига қасд қилди.
Аскар икки кун аввал Ғазо секторини тарк этиб, Сде-Тайман базасига реабилитация курсидан ўтиш учун келган. Кеча у ҳарбий полиция томонидан терговдан ўтган. Терговдан сўнг унинг қуроли олиб қўйилган. Ҳарбий полициянинг такидлашича, унинг тергов қилиниши сабаби Ғазодаги ҳарбий ҳаракатлар билан боғлиқ эмас. Бироқ унинг психологик ҳолати жуда аянчли бўлган. Аскар бугун тонгда шеригининг қуролидан ўқ узиб ўз жонига қасд қилган ва сўнги сўзлари ёзилган мактуб ҳам қолдирган.
Ҳозирча бу аскарнинг исми ошкор этилмади. Шунингдек, у жанговор ҳаракатлар вақтида ўлганлар рўйхатига ҳам киритилмади.
Умуман олганда, исроил қўшини орасида ўз жонига қасд қилаётганлар сони кун сайин ортиб бормоқда. Тўрт кун аввал кучли руҳий босим остида қолган аскар Даниэл Эдри ўзига ўт қўйиб, жонига қасд қилган эди.
Маълумот учун, 2023 йил 7 октябридан 2023 йил якунигача 7 нафар аскар ўз жонига қасд қилган бўлса, 2024 йилда бу рақам 21 нафарни ташкил қилган. Жорий йил бошидан буён эса 14 нафар аскар ўз жонига қасд қилган.
Диёрбек Қурбонов
