11.02.2025 09:05
283
Трамп: Агар гаровга олинганлар қайтарилмаса, "жаҳаннам бошланади"
АҚШ президенти Дональд Трамп ХАМАСга ултиматум қўйиб, агар шанба куни тушга қадар барча исроиллик гаровга олинганлар озод қилинмаса, Ғазода ўт очишни тўхтатиш шартномаси бекор қилинишини айтди.
Трамп, шунингдек, гаровдаги кўплаб исроилликларнинг ҳаёти хавф остида эканлиги ва улар аллақачон ҳалок бўлган бўлиши мумкинлигидан хавотир билдирди. У: "Агар улар бу ерда бўлмаса, жаҳаннам бошланади", — дея қаттиқ баёнот берди.
Трампнинг бу баёноти ҲАМАС Исроилни келишув шартларини бузганликда айблаб, гаровга олинганларни озод қилишни кечиктиришини маълум қилганидан бир неча соат ўтиб берилди.
Шунингдек, АҚШ президенти Фаластин масаласида ўз позициясини кескин ифода этиб, Ғазодаги можаро доирасида Иорданиядан фаластинликларни қабул қилишни сўраган. Бироқ, Иордания қироли Абдуллоҳ бу таклифни рад этган. Қирол сешанба куни Оқ уйда Трамп билан учрашиши кутилмоқда.
