27.09.2025 12:25
186
Сурия етакчиси 70 йил деганда БМТ минбарига чиқиб нутқ сўзлади
Сурия президенти Аҳмад Аш-Шарънинг 24 сентябр куни Бирлашган Миллатлар Ташкилоти (БМТ) Бош Ассамблеясида сўзлаган нутқи рамзий жиҳатдан катта аҳамият касб этди. Куни кеча АҚШ томонидан бошига 10 миллион доллар мукофот қўйилган шахс сифатида БМТ минбаридан дунёга хитоб қилиши ва ташриф доирасида кўплаб давлат раҳбарлари билан икки томонлама учрашувлар ўтказиши, Сурияда декабрь ойидан бери кечаётган улкан ўзгаришларни намоён этувчи воқеа бўлди.
Шунингдек, БМТ минбаридан бутун дунёга мурожаат қилган охирги суриялик етакчи 1967 йилда Нуриддин Аттасий бўлгани эътиборга олинса, Аш-Шарънинг нутқининг рамзий аҳамияти ва янги ҳукумат учун қандай имконият яратаётгани янада равшанроқ англаш мумкин.
Аҳмад Аш-Шаръ бор-йўғи 9 дақиқа давом этган нутқида Суриянинг “инқироз экспорт қилувчи давлат” мақомидан чиқиб, “тинчлик учун имконият манбаи”га айланиш босқичида эканини таъкидлади ва мамлакатга нисбатан қўлланилаётган иқтисодий санкцияларни бекор қилишга чақирди.
Айниқса, Аш-Шаръ иқтисодий санкциялар сурияликларни яна бир бор занжирбанд қилиш ва уларнинг эркинликларини тортиб олиш воситаси сифатида ишлатилмаслиги учун улар тўлиқ бартараф этилиши зарурлигини қатъий урғу билан таъкидлаши муҳим аҳамият касб этди.
Мана, унинг нутқидаги эътиборга молик жиҳатлар:
У Сурия учун барча халқаро санкцияларни олиб ташлашни талаб қилди.
«Сурия ўзининг халқаро жамиятдаги ҳақли ўрнини қайтармоқда», деди у.
У Сурия ҳукуматининг янги институтлар ташкил қилиш, сайлов ўтказиш режалари борлигини ва хорижий сармояни жалб этишни олға сурди.
Унинг нутқида Исроилнинг Сурияга қилинган зарбаларини танқид қилиб, бу сиёсатнинг халқаро жамоатчилик тарафидан қўллаб-қувватланадиган Сурия орзу-ниятига зидлигини таъкидлади.
У Ғазодаги аҳолини қўллаб, “Сурия Ғазо халқи билан биргадир, уларга қарши қийноқ ва зўравонликка дарҳол чек қўйиш керак” деган мазмунда фикр билдирди.
Аш-Шаръ Сурия ўзининг айрим террорчилик ташкилотлари ҳамда наркотик савдосига қарши кураш ишларига эътибор қаратганини ва уларни тарк этишга ҳаракат қилаётганини ахборот каналларида таъкидлади.
