Шойгу ва Ким Чен Ин Пхеньянда учрашди

Пхеньянда Россия Хавфсизлик кенгаши котиби Сергей Шойгу ва Шимолий Корея етакчиси Ким Чен Ин ўртасида учрашув бўлиб ўтди. Бу ҳақда Россия Хавфсизлик кенгаши матбуот хизмати хабар қилди.

“13 сентябрь куни Россия Федерацияси Хавфсизлик кенгаши котиби С.К.Шойгу бошчилигидаги делегация Пхеньянда бўлди. Мамлакатларимиз ўртасида давом этаётган стратегик мулоқот доирасида кореялик ҳамкасбларимиз билан икки томонлама ва халқаро кун тартибидаги кенг кўламли масалалар юзасидан мазмунли фикр алмашилди”, — дейилади хабарда.

Хабарда қайд этилишича, Шойгуни КХДР давлат ишлари бўйича раиси Ким Чен Ин қабул қилган.

“Пхеняндаги учрашувлар Россия Федерацияси Президенти В.В.Путиннинг жорий йил июнь ойида Пхеньянга давлат ташрифи чоғида эришилган келишувларга мувофиқ ўта махфий, дўстона муҳитда ўтди. Улар ўзлари имзолаган ҳар томонлама стратегик шериклик тўғрисидаги икки томонлама битим қоидаларини амалга оширишга муҳим ҳисса қўшадилар”, — дейилади хабарда.

Эслатиб ўтамиз, аввалроқ Шимолий Корея 2022 йил ўрталаридан бери Россияга 13 мингдан ортиқ қурол-яроғ ортилган юк контейнерларини жўнатгани ҳақида хабар берган эдик.

The New York Times 11 сентябрь куни Киевда Шимолий Кореянинг 4 та Hwasong-11 баллистик ракетаси қолдиқлари аниқланганини хабар қилди. Бу ракеталар маркировкасида 2024 йилда ишлаб чиқарилгани ёзилган.