13.08.2025 14:29
90
Саудия Арабиcтони исроилга қурол етказиб беряптими?
Журналист ва сиёсий таҳлилчи Шарминэ Нарвани "X" тармоғидаги шов-шувли хабарда таъкидлашича, исломнинг икки муқаддас масканининг муҳофизи саналган Саудия Арабистони фаластинлик мусулмонларга қарши қўлланилиши учун исроилга қурол етказиб бермоқда.
Шарминэ мусулмон халқларга мурожаат қилиб, "бу ҳақиқатни унутмаслиги кераклиги"ни айтиб ўтган.
Гап шундаки, олдинроқ Италия матбуотида Генуя портидаги ишчилар исроилга қурол олиб кетаётгани айтилаётган Саудиянинг “Bahri Yanbu” кемасини тўсиб қўйгани ҳақида хабарлар пайдо бўлди.
Бу ҳаракат Италиянинг исроил ва унинг империалистик иттифоқдошларини қуроллантиришига норозилик сифатида амалга оширилган.
АҚШдан келган кема Италиянинг йирик қурол ишлаб чиқарувчи корпорацияси Leonardo маҳсулотларини ҳам олиб кетиши керак бўлган.
Ғазодаги геноцидга шерик бўлишни хоҳламаган ишчилар эса қуроллар, ўқ-дорилар, портловчи моддалар, бронетехника ва танкларнинг кемага юкланишига йўл қўймаган.
