Россиянинг Харьковдаги кўп қаватли уйга уюштирган ҳужумида 1 бола ҳалок бўлди, 34 киши яраланди
Украина президенти Владимир Зеленский кечаси ижтимоий тармоқдаги саҳифасида қилган баёнотида Россия Харьковдаги 9 қаватли уйга аниқ бошқариладиган бомба билан зарба берганини маълум қилди.
Ҳужумда яраланганлар, жумладан болалар ҳам борлигини ифода
этган Зеленский, "Вайроналар
остида одамлар бўлиши мумкин. Барча хизматлар воқеа жойида", - деди у.
Харьков
вилояти ҳарбий бошқармаси бошлиғи Олег Синегубов ҳам ўзининг ижтимоий
тармоқдаги саҳифасида Россия армиясининг Харьковдаги турар-жой биносига уюштирган ҳужуми оқибатида 12 ёшли
бола ҳалок бўлгани, 34 киши жароҳатланганини маълум қилди.
Синегубовнинг хабар беришича, қидирув-қутқарув ишлари давом
этмоқда.
Украина Ҳарбий ҳаво кучлари қўмондонлиги томонидан берилган
баёнотда, Россиянинг тунги вақтда 8 та Х-59/69 русумли ракета, 2 та Искандар-М
баллистик ракетаси ва 43 та «Шаҳед» типидаги учувчисиз ҳаво воситаси ёрдамида
Украина ҳудудига ҳужум қилгани билдирилди.
Баёнотда Украина мудофаа кучларининг ҳаво жанги натижасида 17 та дрон ва 2 та Х-59/69 русумли бошқариладиган ракета уриб туширилгани айтилган.
Мавзуга алоқадор
-
Россия Украинага турли ҳаво ҳужуми воситаларидан «кучли» зарбалар бергани айтилмоқда.
-
Россия қўшинлари Украинанинг Полтава шаҳрига иккита баллистик ракета билан ҳужум қилди. Натижада энг камида 41 киши ҳалок бўлди, 180 дан ортиқ киши жароҳатланди. Ракеталар таълим муассасаси ва шифохона ҳудудига келиб тушган.
