Покистондаги портлашларда ўнлаб инсонлар ҳалок бўлди
Покистоннинг Балужистон вилоятида содир бўлган портлашлар натижасида 28 киши ҳалок бўлди, яна 47 киши яраланди. Портлашлар 8 февраль, пайшанба кунига белгиланган парламент сайловларига номзодлар кабинетлари олдида уюштирилди.
Geo News телеканали
маълумотларига кўра, биринчи портлаш мустақил номзод Асфанд Хон Какарнинг
идораси яқинида содир бўлган. Ҳужум оқибатида 15 киши ҳалок бўлди, 30 дан ортиқ
киши яраланди. Жабрланганларнинг аксарияти оғир аҳволда. Расмийлар қурбонлар
сони ортишидан хавотирда.
Иккинчи теракт қурбонлари 13 кишини ташкил этмоқда, 17 киши яраланган.
Портловчи қурилма “Жамиат Уламои Ислам” (Ислом уламолари жамияти) партияси биноси яқинида ишга
туширилган.
.png)
Мавзуга алоқадор
-
Покистоннинг собиқ бош вазири Имрон Хон қамоқдан туриб парламент депутатлигига ўз номзодини қўйиш ниятида.
-
Ислом инқилоби қўриқчилари корпуси Покистоннинг Эрон билан чегарадош Балужистон вилоятида жойлашган “Жайш ал-Адл” (“Адолат армияси”) террорчилик гуруҳининг асосий базасига баллистик ракета ва учувчисиз самолётлар ёрдамида ҳужум уюштирди. Покистон томони бу ҳужумни мамлакат ҳаво ҳудудини асоссиз бузиш деб атади ва 2 боланинг ҳалок бўлгани, 3 бола жароҳатланганини маълум қилди.
