09.06.2025 09:21
132
Лос Анжелесда иммиграция рейдлари туфайли намойишлар бўляпти
АҚШ президенти Дональд Трамп 7 июнь, шанба куни иммиграция рейдларига жавобан бошланган норозилик намойишларини тарқатиш учун Лос Анжелесга 2000 нафар Миллий гвардия аскарини киритиш тўғрисидаги фармонни имзолади.
Намойишлар жума куни АҚШ Иммиграция ва божхона полицияси (ICE) томонидан Лос Анжелес туманларидан бирида ўтказилган рейдлардан сўнг бошланган. Намойишчилар ва федерал агентлар ўртасида тўқнашувлар юз берди.
Намойишчилар чегара патрулларининг автомобилларига тухум, шунингдек, тошлар улоқтирган. Бунга жавобан ҳуқуқ-тартибот идоралари резина ўқлар ва ёруғлик-шовқинли гранаталардан фойдаланган. Камида 44 киши қўлга олинган.
Трампнинг фармонида айтилишича, иммиграция қонунлари ижросига тўсқинлик қилувчи намойишлар АҚШ ҳукуматига қарши "исён ҳисобланади".
