Исроиллик тарихчи сионистик лойиҳа таназзули бошланганининг беш аломатини санаб берди

Исроиллик тарихчи, Британиянинг Эксетер университети профессори ва Европа Фаластин тадқиқотлари маркази директори Илан Паппе 13 январь куни Ҳайфа шаҳрида бўлиб ўтган симпозиумда иштирок этди.

У ўз нутқида "сионистик лойиҳа охирига етаётганига" ишора қилувчи бешта аломатни санаб ўтди. Шунингдек, Фаластин озодлик ҳаракатини Сурияда, араб дунёсининг бошқа мамлакатларида ва Шимолий Африкада бўлгани каби узоқ вақт тартибсизлик ҳукм сурмаслиги учун юзага келган бўшлиқни тўлдиришга чақирди.

Олим Илан Паппе сионистик лойиҳанинг таназзулга учрашининг биринчи аломати сифатида “ўтган йилнинг 7 октябригача Исроил яҳудий жамоасидаги дунёвий ва диний лагерлар ўртасидаги фуқаролар уруши”ни тилга олди.

Иккинчи аломат -  Фаластин глобал миқёсда мисли кўрилмаган даражада қўллаб-қувватланмоқда ва аксарият ҳамдардлар ҳаракати иштирокчиларининг "Жанубий Африкадаги апартеид (ирқий айирмачилик – таҳр.) режимини йўқ қилишда ҳал қилувчи роль ўйнаган апартеидга қарши кураш моделини қабул қилишга тайёрлиги".  

Учинчи аломат иқтисодий омил билан боғлиқ. У " [пули] борлар ва йўқлар ўртасидаги энг юқори фарқни ўз ичига олади..." (Azon Global изоҳи: 2023 йилда Исроил ҲАМАСга қарши кураш учун 53 млрд доллар (198 млрд шекел) сарфлади. Уруш Исроил бюджетига куни 260 млн долларга тушмоқда. Бундан ташқари, 350 мин захирадига ҳарбийларнинг чақирилиши, 100 фаластинлик ишчининг Исроил ҳудудига кириши тақиқлангани натижасида мамлакат иқтисоди катта зарар кўрмоқда. Туризм сектори ҳам қарийб фаолиятини тўхтатган).

Тўртинчи кўрсаткич сифатида "Исроил кучларининг ҳалок бўлган ва яраланган яҳудийларнинг оилаларига ёрдам бера олмагани ва 7 октябрдан кейин шимолдан кўчирилган 120 минг яҳудий қочқинни ҳимоя қила олмагани" келтирилади.

Профессорнинг сўзларига кўра, охирги аломат, ўтмишдан фарқли ўлароқ, Исроилнинг навбатдаги Холокост ва антисемитизм тўлқинларидан ҳимоя қилиш қобилиятига ишонмайдиган янги авлод яҳудийларининг (айниқса АҚШда) муносабатига тегишли.

Британияга келишидан олдин Паппе Исроилда тарихчи ва сиёсатчи сифатида фаолият кўрсатган. У бир қанча китоблар, жумладан “Ер юзидаги энг катта қамоқхона: босиб олинган ҳудудлар тарихи” ва “Фаластиннинг этник тозаланиши” асарлари муаллифи муаллифи. Унинг асарлари савдоси кескин ошганига қарамай, Ғазо қирғини пайтида кўплаб нашриётлар Паппе билан шартномаларини бекор қилди. Ўз ватанида эса олимни "дунёдаги энг бемаъни тарихчилардан бири" деб айблашди.

Паппенинг сўзларига кўра, Исроил ўз сиёсати учун эмас, балки ўзининг мавжудлиги учун лоббичилик қилаётган дунёдаги ягона давлатдир. Унинг таъкидлашича, исроилнинг асосий вазифаси араб давлатларини кузатишдан иборат. АҚШ ва Буюк Британиянинг асосий мақсади эса минтақанинг энергетика ресурсларидан фойдаланишдир.

Унинг фикрича, сионистик лойиҳа бошиданоқ муваффақиятсизликка маҳкум бўлган мустамлакачи лойиҳадир. Чунки у фақатгина муаммо ва низоларни келтириб чиқаради. Бироқ яшаши учун имкон қадар кўпроқ ҳаётни олишга ҳаракат қилаётгандек туюлади.

АҚШ ва бошқа ақлдан озган одамлар уларнинг қонли байрамларига қўшилишлари учун банкрот бўлишади. Сабаби “муваффақиятсиз бизнес”га жуда кўп пул, вақт ва куч сарфлашмоқда.

Нетаньяху ҳукумати аллақачон саволларни кўтариб чиқараётган ва норозилик намойишларида қатнашаётган исроилликларнинг овозини ўчириш ва четлаштириш билан шуғулланмоқда. Норозилар "давлат душмани", қўпорувчи кучлар деб эълон қилинмоқда. Охир-оқибат улар кузатув остига олинмоқда ёки сиёсий маҳбуслар - фаластинликларга қўшилмоқда.

Исроил қўшинларининг Ғазога бостириб кириши ва Фаластин аҳолисининг қирғин қилиниши Гитлер армияси томонидан Шарқий Европа давлатларини ўзига хос шафқатсизлик ва ваҳшийлик билан қул қилиб олганининг барча белгиларига эга. Муаммо шундаки, Ғазодаги фаластинликларнинг геноциди кўп асрлик исроилликларга нисбатан нафрат ва қарама-қаршиликни келтириб чиқаради. Беньямин Нетаняху мамлакатни жар ёқасига олиб келди. Бу дунёда қолган ягона апартеид этнодавлат таназзулининг бошланишидир.

Манба: Islam News