Исроил Ғазога 70 минг тонна бомба ташлади

7 октябрдан бери Исроил ишғол остидаги Ғазо секторига ҳужум қилиш учун умумий оғирлиги 70 минг тонна бўлган бомбалардан фойдаланди, 360 мингдан ортиқ турар-жой биноларини вайрон қилди. Бу маълумотлар Фаластин ҳукуматининг Ғазо секторидаги матбуот бўлими томонидан тақдим этилди.

Ҳисоботда Ғазо секторида Фаластин халқига қарши 19 та уруш жинояти, жумладан, инсониятга қарши жиноят содир этилгани қайд этилган. Отилган бомбалар орасида тақиқланган фосфорли ва кассетали бомбалар ҳам бор.

Унда таъкидланишича, Исроил 30 мингга яқин инсонни, асосан аёллар ва болаларни қасддан ўлдирган. 2600 киши ҳибсга олинган ёки қамалган. Бу одамларга нисбатан шафқатсиз, ғайриинсоний ва шафқатсиз муносабатда бўлинмоқда. 2 миллион фаластинлик уйларини ташлаб кетишга мажбур бўлди.

Исроил аскарлари Аз-Зайтун, Шайх Ризван ва Ан-Наср маҳаллалари, Ал-Мағози қочқинлар лагери ва Ғазонинг ғарбий минтақасида юзлаб одамлардан тирик қалқон сифатида фойдаланди.

Исроил, айниқса, касалхоналар, мактаблар, масжидлар, черковлар ва турли фуқаролик ташкилотлари бўлган тинч аҳоли нишонларига юз минглаб ҳужумлар уюштирди.

“Исроил аскарлари одамларнинг қадр-қимматини оёқ ости қилган ҳолда аёллар ва болаларни минглаб марта яланғоч ечинишга мажбурлаган ва уларни хорловчи тарзда чегара ҳудудларига олиб кетган”, — дейилади хабарда.

Ғазо бўйлаб, айниқса шимолда қамалини кучайтирган Исроил уруш усули сифатида очарчиликдан фойдаланмоқда.

Фаластинликлардан 300 миллион шекелга яқин нақд пул, олтин, заргарлик буюмлари ва бошқа қимматбаҳо буюмлар ўғирланган.

Ҳужумларда Исроил 500 дан ортиқ масжид ва черковларни, 300 дан ортиқ университет ва мактабларни, 360 мингдан ортиқ уй-жойларни вайрон қилди, Ғазо бўйлаб 35 касалхонадан 31 дан ортиғи ишдан чиқарилди. Шунингдек, минг йиллик тарихга эга 200 дан ортиқ археологик ва тарихий обидалар вайрон қилинган.

Мавзуга алоқадор

Энг кўп ўқилган

Тавсия қилинган

Реклама