Ғазо бомбардимон қилинаётганига 104 кун бўлди: асосий воқеалар

Исроил томонидан Ғазо секторида қатлиом бошланганига 104 кун бўлди. Ўтган куннинг асосий воқеаларнинг қисқача тафсилоти.

▪ Босқинчилар Хон Юнисдаги Носир касалхонаси ва Рафакс шаҳри атрофига ҳужум қилишда давом этмоқда. Рафахдаги бир уйга уюштирилган ҳужумлар натижасида, аксарияти аёллар ва болалардан иборат 19 нафар Замили оиласи ҳалок бўлди.

▪ Уруш бошланганидан бери жами 24 448 киши ҳалок бўлди, 61 504 киши турли даражада жароҳат олди.

▪ Ғарбий Соҳилдаги Тулкарм шаҳрида босқинчилар 26 соатдан ортиқ вақтдан бери фаластинликларни ўлдириш ва ҳибсга олиш учун рейдларини давом эттирмоқда. 30 дан ортиқ одам ҳибсга олинган.

▪ Нур Шамс лагерида қаршилик жангарилари бронетранспортёрни портлатиб юборди.

▪ Хусийлар Қизил денгизда Американинг “Гинко Пикарди” кемасига ҳужум қилди. Аввалроқ Яман нафақат Исроил, балки АҚШ ва Буюк Британия кемаларига ҳам ҳужум қилишини билдирган эди.

▪ БМТ кеча 11 нафар фаластинлик ҳалок бўлган Ғарбий Соҳилдаги ишғолчиларнинг ҳаракатларини текширишга чақирди. "Фаластинликларнинг ноқонуний ўлдирилишига чек қўйилиши керак", - дейилади баёнотда.

▪ Шу тунда АҚШ ва Буюк Британия Яманнинг Ходейда, Таиз, Дамар, Ал-Байда ва Саада вилоятларига зарбалар берди.

▪ Суриядаги Американинг “Хемо” базаси бомбардимон қилинди. Хабар қилинишича, базадан барча ҳарбий хизматчилар ва шахсий таркиб – 350 киши эвакуация қилинмоқда. “Хемо” АҚШнинг Суриядаги стратегик муҳим базаларидан бири бўлиб, Дамашқдан 700 км узоқликда жойлашган.