Доғистондаги қуролли ҳужум: ҳалок бўлганларнинг аксарияти мусулмонлар
Доғистонда содир этилган қуролли ҳужумларда ҳалок бўлганлар ва яраланганларнинг аксарияти мусулмонлардир. 

Baza  телеграм-канали маълумотларига кўра, қуролли ҳужумда камида беш нафар тинч аҳоли вакили жароҳат олган. Доғистон раҳбари Сергей Меликов эса ҳужумни қайтаришда 15 дан ортиқ хавфсизлик ходимлари, "Дагестанские Огни" шаҳри полиция бўлими бошлиғи Мавлуддин Хидирнабиев ҳалок бўлганини билдирди. 

Шунингдек, қурбонлар орасида Дербентдаги черков бош руҳонийси, протоиерей Николай Котелников ва черков қўриқчиси ҳам бор. 

Миллий аксилтеррорчилик қўмитаси амалиёт давомида черков, синагог ҳамда полиция постларига ҳужум қилган беш нафар қуролли шахс ўлдирилганини маълум қилган.

Дастлабки маълумотларга кўра, қуролли ҳужум Сергокалин тумани раҳбари Магомед Умаровнинг икки ўғли ва жияни иштирокидаги гуруҳ томонидан амалга оширилган. Сўроқ пайтида собиқ амалдор қариндошларидан воз кечганини ва оиласида ҳеч ким уларни қўллаб-қувватламаганини билдирган. У аллақачон ўз хоҳишига кўра лавозимидан кетиш ҳақида ариза ёзган. 

Рус православ черкови раҳбари патриарх Кирилл Доғистондаги фожиани Россия душманларининг мамлакатдаги динлараро бағрикенгликни йўқ қилишга уриниши деб атаган.

Мавзуга алоқадор

  • Доғистонда қуролли шахслар синагогага ҳужум қилди. Полициячилар ҳалок бўлди

    23 июнь куни кечқурун Доғистоннинг Махачқалъа ва Дербент шаҳарларида номаълум шахслар синагога ва черковга ҳужум қилди. Доғистон ИИВ қора кийимдаги қуролли шахслар Махачқалъадаги полиция постини ҳам ўққа тутганини билдирди. Ижтимоий тармоқларда тарқалган видеоларда уларнинг полиция машиналарига қарата автоматдан ўқ узаётганини кўриш мумкин. Ҳужумчилар билан отишмада олти полициячи ҳалок бўлган, яна 12 киши яралангани айтилмоқда. Шунингдек, камида иккита жангчи отиб ўлдирилган.

    Давомини ўқиш...

  • Доғистонлик амалдор ҳибсга олинди. Унинг ўғиллари қуролли ҳужумда қатнашгани айтилмоқда

    Доғистоннинг Сергокалинский тумани раҳбари Магомед Умаров қўлга олинди. Умаровнинг икки ўғли – Одил ва Усмон Махачқалъа ва Дербентдаги черков ва синагогага уюштирилган ҳужумларда қатнашгани, иккаласи ҳам отиб ўлдирилгани айтилмоқда. Айни пайтда Доғистонда терроризмга қарши операция режими жорий этилган: Махачқалъа ва Дербентга кириш-чиқиш йўллари тўсиб қўйилган, полиция машиналарни текширмоқда.

    Давомини ўқиш...

Энг кўп ўқилган

Тавсия қилинган