Бангладеш раҳбари жаҳон ҳамжамиятини роҳинжа инқирозига бефарқ бўлмасликка чақирди

Бангладеш раҳбари Муҳаммад Юнус Мьянмадаги роҳинжа мусулмонларига қарши “этник тозалаш”га барҳам бериш учун жаҳон ҳамжамиятини жиддийроқ чора кўришга чақирди.

Дунёдаги энг йирик қочқинлар лагери жойлашган Кокс-Базардаги анжуманда нутқ сўзлаган Юнус "Бангладеш ҳозирда 1,3 миллиондан ортиқ роҳинжаларни қабул қилганини ва бу мамлакат иқтисоди учун оғир юк бўлаётгани"ни айтиб ўтган.

“Бангладеш роҳинжаларни жойлаштириш учун тинмай ҳаракат қилмоқда, лекин бу фақат бизнинг ташвишимиз бўлмаслиги керак. Жаҳон ҳамжамияти ҳам роҳинжа мусулмонлари тақдирига бефарқ бўлмаслиги шарт”, деган вазир.

Юнус, шунингдек, Бангладешдаги сиёсий-иқтисодий қийинчиликлар сабаб мамлакатнинг ушбу вазиятни юмшатиш учун қўшимча ресурслардан фойдаланиш имконияти йўқлигидан огоҳлантирган.

Маълумот учун, ушбу анжуман 30 сентябрь куни Нью-Йоркда бўлиб ўтадиган БМТ йиғилиши олдидан ташкил этилган. Унда Бангладеш халқаро даражада кучлироқ чоралар кўришни талаб қилиши кутилмоқда.