Австралияда исломофобияга асосланган жиноятлар сони ортмоқда
Австралиянинг Мелбурн шаҳрида 53 ёшли Рита Манессис кечки пайт чиқиндиларни ташлашга чиққанида, йўли устида “Фаластинга ўлим” ёзувини кўриб қолди. Мусулмон бўлмаган тўрт фарзанднинг онаси ABC телеканалига ўша пайтда жуда ҳайратда қолгани ва дарҳол полицияга қўнғироқ қилганини айтди, дея хабар бермоқда Yeni Şafak нашри.
У бундай
хатти-ҳаракат сабабини билмаслигини, бироқ машинасида "Озод Фаластин"
ёзуви туширилган плакатлар ва стикерлар билан боғлиқ бўлиши мумкинлигини таъкидлади.
Мамлакатдаги
Исломофобияни мониторинг қилиш бўйича етакчи ташкилот “Islamophobia Register
Australia” маълумотларига кўра, мазкур жиноят сўнгги ойларда мамлакат бўйлаб
исломофобия ва анти-Фаластинга қарши нафрат ҳодисалари кўпайган бир пайтда
содир бўлди.
Islamophobia
Register Australia маълумотларига кўра, 7 октябрдан буён исломофобик ҳужумлар
сони, жумладан, университет кампусларида ҳам кескин ошган.
"7
октябрдан бери биз хабар қилинган ҳодисалар сонининг 39 баравар ошганини
кўрдик, хусусан, бутун мамлакат бўйлаб коллежлар кампусларида", - дейилади
ташкилот пресс-релизида.
Хабар
қилинган ҳодисалар орасида оғзаки ҳақорат, қўрқитиш, таҳдид, зўравонлик ва
жисмоний зўравонлик мавжуд.
ABC телеканалига
гапирган бир қанча Фаластин тарафдори намойишчиларнинг айтишича, улар ҳам
оғзаки ҳақорат ва ҳужумларга учраган. Фаластин тарафдорлари ҳаракатининг машҳур
тимсолига айланган фаластин нақшли оқ-қора шарф кийган куфияда ўзларини хавфли
ҳис қилишган.
Islamophobia
Register Australia бош директори Нора Аматнинг айтишича, Исроил ва Ғазо
ўртасидаги уруш ҳақида ҳисобот бериш, жамоатчилик муҳокамаси кўпроқ контекстга
эга бўлиши ва ўйланган бўлиши керак.
"ОАВ
Ғазода содир бўлаётган воқеаларни инсон ҳуқуқлари бўйича халқаро қонунларга
ҳавола қилиб, кенгроқ мазмун билан таъминласа, фойдали бўларди", - деди
Амат.
Эслатиб
ўтамиз, май ойида Австралия бўйлаб юзлаб давлат хизматчилари, шунингдек, штат
ва федерал идоралар ҳукуматни "Исроилга барча ҳарбий экспортни зудлик
билан тўхтатишга" чақирган очиқ хатни имзолади.
Австралия Исроилга қурол экспорт қилувчи ҳисобланади, аммо
ҳукумат буни рад этади.
.png)
Мавзуга алоқадор
-
Австралиянинг Мельбурн шаҳридаги Meadow Heights масжидида 30 нафар австралиялик аёл ғозоликларнинг Исроил қирғинбароти олдидаги матонатидан таъсирланиб, Исломни қабул қилди. Улар Фаластин халқига ҳамдардлиги орқали Исломга алоқадорлигини ҳис этган ва охир-оқибат ушбу динга ўтишга қарор қилишган.
-
Ғазодаги уруш фонида Лондонда исломофобия ҳолатлари кучаймоқда. Февраль ўрталаридан буён шаҳардаги учта масжидга ҳужум уюштирилди, мусулмонлар Рамазон ойини қўрқув ва хавотир билан қарши олди.
