АҚШда уйсизлар сони 12 фоизга ошиб, тарихдаги энг юқори даражага етди
АҚШ Уй-жой ва шаҳарсозлик вазирлиги мамлакатда уйсизлар сони рекорд даражага етганини маълум қилди.
Баёнотда 2023 йил январь ойида 650 мингдан ортиқ одамнинг
уйсиз қолгани ва бу маълумотлар қайд этиб борилаётган 2007 йилдан буён энг юқори кўрсаткич экани
таъкидланди.
Баёнотда, шунингдек,
асосан илк бор бошпанасиз қолганлар ҳисобига уйсизлар сонининг 12 фоизга ортишига мамлакат миқёсида ижара
нархларининг катта тезликда ортаётгани ҳамда пандемия вақтида тушумларнинг
камайиши ҳам таъсир кўрсатгани айтилди.
Уй-жой
ижараси нархини тўлаш ўта оғир экани, мамлакатдаги уйсизларнинг тахминан 28
фоизи болали оиладан экани ва бу рақам 2022 йилдан 2023 йилгача 25 мингдан
ортиқ кишига ошгани қайд этилди.
Уй-жой ва
шаҳарсозлик вазири Марсия Фаж уйсизлик муаммосини ҳал қилишда муваффақиятга
эришилгани, аммо ҳали қилинадиган ишлар кўплигини айтди.
Мавзуга алоқадор
-
АҚШ Сенати Украина ва Исроилга 110 миллиард долларлик моддий ёрдам ажратиш тўғрисидаги қонунни рад этди.
-
Номаълум жангарилар Ироқ пойтахти Боғдод шаҳри марказидаги қаттиқ қўриқланадиган “яшил ҳудуд”да жойлашган АҚШ элчихонасини ракета билан ўққа тутди.
