23.06.2025 13:07
50
АҚШда намойишлар: Трамп – уруш жиноятчисига айландими?
АҚШ ҳарбийлари томонидан Эрон ядровий объектларига зарба берилгач, Нью-Йоркда АҚШ раҳбари Дональд Трампга қарши намойишлар бошланди.
NBC News'нинг хабар беришича, намойишчилар Нью-Йоркдаги Times Square ва АҚШнинг турли ҳудудларида йиғила бошлаган. Бу намойишлар Трамп маъмурияти томонидан Эрондаги ядровий объектларга уюштирилган зарбаларга жавобан бўлиб ўтмоқда.
Ҳодиса жойидан олинган видеоларда намойишчиларнинг қўлларида “Трамп – уруш жиноятчиси” деган ёзув ёзилган плакатларни кўришимиз мумкин.
Иштирокчилар нафақат Нью-Йоркнинг марказий қисмидаги Times Square, балки Вашингтондаги Оқ уй атрофида, шунингдек, Массачусетс штатининг Бостон шаҳрида ҳам тўпланган. Митинглар Огайо штатининг Цинциннати шаҳрида ҳам ўтказилмоқда.
