Афғонистон ҳукумати БМТ махсус маърузачисининг мамлакатга киришини тақиқлади
Афғонистон ҳукумати БМТнинг Афғонистондаги инсон ҳуқуқлари бўйича махсус маърузачиси Ричард Беннетнинг мамлакатга киришини тақиқлади. Бу ҳақда Германиянинг Deutsche Welle (DW) телеканалига берган интервьюсида Толибон расмийси Забиҳуллоҳ Мужоҳид маълум қилди.
Унинг
таъкидлашича, аксарият халқаро институтлар, асосан, БМТ «ғаразли» ва «душман».
Мужоҳид
БМТнинг қароргоҳи Кобулда жойлашган Афғонистонга ёрдам кўрсатиш миссияси (ЮНАМА)
вакиллари билан бўлиб ўтган учрашув ҳақида хабар берди. Керакли огоҳлантиришлар
берилди, афғон ҳукумати БМТ томонидан инсон ҳуқуқлари бўйича эълон қилинган
ҳисоботларни рад этди, деди у.
“Жаноб
Беннетнинг Афғонистонга сафари тақиқланган, чунки у Афғонистонда ташвиқот олиб
боришга тайинланган. У биз ишонадиган одам эмас. Унинг Афғонистонда ўрни йўқ,
тарғибот ишлари билан банд бўлгани учун келишига ҳам рухсат беришмаяпти. У
майда-чуйда масалаларни бўрттириб, бошқа муассасаларга ёлғон маълумот берди”, —
деди Мужоҳид.
Унинг
сўзларига кўра, БМТ институтлари Афғонистонда бўлаётган “ижобий воқеалар”ни
кўрмайди, балки диққатини “ўз фикрича, заиф масалаларга” қаратади. "Улар
Афғонистонга қарши ташвиқот олиб бориш учун барча саъй-ҳаракатларни амалга
оширмоқдалар", дея қўшимча қилди у.
Беннет
2022 йил апрелида БМТнинг Афғонистондаги инсон ҳуқуқлари бўйича махсус
маърузачиси этиб тайинланган. У Афғонистоннинг амалдаги маъмуриятини
мамлакатдаги инсон ҳуқуқлари аҳволи учун танқид қилган.
Ўз
навбатида, Афғонистон маъмурияти халқаро ҳамжамиятнинг, хусусан, инсон
ҳуқуқлари соҳасидаги ҳисоботлари “Афғонистондаги воқеликларга зид” эканини
даъво қилмоқда.
Мавзуга алоқадор
-
Исроил-Фаластин урушининг учинчи ойи якуни бўйича Миср, Ливан ва Иордания 10,3 млрд долларлик даромадини йўқотиши мумкин.
-
БМТ агентлиги Ғазо ўз ялпи ички маҳсулотини ҳатто жанговар ҳаракатлар тўхтаб, охирги 0,4 фоизлик ўсиш суръатига қайтганидан кейин ҳам 2092 йилгача тиклаши мумкинлигини маълум қилди.
