1967 йилдан бери илк марта яҳудий номзод Сурия парламенти сайловларида қатнашади
Сурия-америкалик раввин Генри Хамра Дамашқ округидан Халқ мажлисига ўз номзодини қўйди. Шу тариқа, у 1967 йилдан буён Сурияда парламент сайловида қатнашган биринчи яҳудий номзодга айланди. Агар сайланса Хамра ўтган асрнинг 40-йилларидан бери парламентдаги илк яҳудий депутат бўлади.
Генри Хамра бу йил Сурияга қайтган ва Сурия тикланиши учун 100 минг доллар хайрия қилишга ваъда берганди.
Президент Аҳмад аш-Шаръ ҳокимиятга келганидан бери яҳудий жамоасига нисбатан нисбатан очиқлик сиёсатини юритиб, Дамашққа турли яҳудий делегацияларини, ҳатто айрим исроиллик фуқароларни ҳам қабул қилди.
Ўтган ҳафта эса у америкалик миллиардер ва Жаҳон Яҳудий Конгресси президенти Рональд Лаудер билан учрашди. Суҳбат “жуда ижобий” кечгани ва исроил билан муносабатларни нормаллаштириш масаласи муҳокама қилингани маълум қилинган.
