Hindiston bosh vaziri Narendra Modi saylovoldi uchrashuvida mamlakatda yashayotgan 202 million musulmonni yoppasiga “aygʻoqchilar” deb atab, “xalq boyligi”ni ular oʻrtasida taqsimlamaslikka chaqirdi. Muxolifat uni “nafrat qoʻzgʻatish” va saylov qoidalarini buzganlikda aybladi.

Hindistonning qadimiy islom hukmdorlari tarixini xiralashtirish maqsadida darsliklar qayta yozildi, koʻchalar qayta nomlandi, musulmonlarning mol-mulklari davlat erlariga noqonuniy kirib kelganlik vaji hamda tartibsizliklardagi ishtiroki uchun jazo sifatida hukumat tomonidan buzib tashlanmoqda.

Hindistonda 19 apreldan 1 iyungacha davom etgan parlament saylovlarida mamlakatdagi 183 million musulmon aholidan 24 nafar deputat saylandi. Ular soni avvalgi saylovlarga qaraganda 2 nafarga kamaygan.

Modi 2014 yildan beri hokimiyatda. Uni hind oʻng qanotlari qoʻllab quvvatlaydi. Qoʻllab-quvvatlash orqali 10 yil mobaynida u mamlakatni modernlashtirish va Hindistonni global kuch sifatida koʻtarishga urindi.

Hindistonning Uttar-Pradesh shtatida restoranlar uchun barcha xodimlarning ism-shariflarini ommaga koʻrinarli joyga joylashtirish talabi joriy qilindi. Bu esa diniy jamoalar oʻrtasida tez-tez sodir boʻlib turadigan mojarolarda musulmonlarni osongina nishonga aylanishlariga xizmat qiladi. Ayrim restoranlar musulmon xodimlarining xavfsizligini oʻylab, ularni ishdan boʻshatishga majbur boʻlmoqda.

Hindistonning Uttar-Pradesh shtati Sambhal shahrida Boburiylar hukmronligi davrida qurilgan Shohi Jama masjidini buzish uchun kelgan politsiya va mahalliy musulmonlar oʻrtasidagi toʻqnashuvda kamida toʻrt musulmon halok boʻldi, oʻnlab kishilar jarohatlangan. Hukumat masjid goʻyoki hindu ibodatxonasi oʻrniga qurilganini iddao qilmoqda.