Turkiya Tojikiston fuqarolari uchun vizasiz tartibni bekor qildi
Turkiya prezidenti Rajab Toyyib Erdoʻgʻan Tojikiston fuqarolari uchun vizasiz tartibni bekor qilish toʻgʻrisidagi farmonni imzoladi.
Turkiya
prezidenti Rajab Toyyib Erdoʻgʻan 5 aprelʻ kuni Tojikiston fuqarolari uchun
vizasiz tartibni bekor qilish toʻgʻrisidagi farmonni imzoladi. Qaror matni rasmiy
gazetada eʻʻlon qilindi.
Qarorda
vizasiz tartibni bekor qilish sabablari keltirilmagan.
Eslatib oʻtamiz,
22 mart kuni Rossiya poytaxti Moskva yaqinidagi “Krokus Siti Xoll” kontsert zalida
sodir etilgan qoʻporuvchilik harakatidan soʻng Rossiya va dunyoning bir qator
davlatlarida Tojikiston fuqarolariga nisbatan salbiy qarash kuchaydi. Jumladan, Rossiyada
butun Markaziy Osiyo davlatlari uchun vizasiz tartibni bekor qilish haqidagi gap-soʻzlar
yuqori doiralarda ham tez-tez tilga olinayotgan
boʻlsa, Frantsiyada qoʻporuvchilik xavfi tufayli Markaziy Osiyo davlatlaridan boʻlgan
fuqarolar ustidan kuzatuvlar kuchaytirildi.
Bunda asosiy urgʻu Tojikiston fuqarolariga qaratilmoqda.
