AQSh Vakillar palatasi 2024 yil uchun 886 milliard dollarlik mudofaa byudjetini tasdiqladi
AQSh Kongressi Vakillar Palatasi 2024 yil uchun Milliy mudofaaga ruxsat berish toʻgʻrisidagi qonun (NDAA) loyihasini 310 ta “ha”ga qarshi 118 ta «yoʻq» ovoz bilan tasdiqladi. Ovoz berishda 73 respublikachi va 45 demokrat mudofaa byudjetini qoʻllab-quvvatlamadi.
Oq uyga yuborilgan 2024 yilgi mudofaa byudjeti Bayden tomonidan
imzolanishi va qisqa vaqt ichida kuchga
kirishi kutilmoqda.
2024-moliya yili uchun byudjet 2023 yilgiga qaraganda
qariyb 28 milliard dollarga
ortib, 886 milliard
dollarni tashkil etdi.
Yangi
mudofaa byudjetida harbiy xizmatchilar maoshi oxirgi 20 yildagi eng yuqori ortishi
belgilangan boʻlib, Bayden tomonidan bu vaziyatdan saylov jarayonida oʻz manfaati
uchun foydalanishi kutilmoqda.
Shuningdek,
shubhali xorijliklarni AQShdan tashqarida “sud qarorisiz” kuzatishga qaratilgan
faoliyatni kengaytirish haqidagi modda Kongress aʻʻzolari oʻrtasida
bahs-munozaralarga sabab boʻldi. Shunday boʻlsa-da, qonun loyihasiga ushbu modda
kiritilgan.
Senatorlar va Vakillar palatasi aʻʻzolari qonun loyihasining yakuniy matni
boʻyicha olib borilgan muzokaralar chogʻida byudjet
loyihasidagi "Pentagonning abortga oid siyosati" va "harbiylar
ichida gomoseksualizm bilan bogʻliq qoidalar" kabi sarlavhalarga eʻʻtiroz
bildirgan, lekin tegishli moddalar qonun loyihasiga kiritilgan.
Muhokama
byudjetida samolyot va kema dasturlari hamda Pentagon siyosati uchun oʻnlab milliard
dollar ajratilgan.
Bundan tashqari, Hindiston-Tinch okeani mintaqasidagi tadbirlar uchun 14,7 milliard dollar, Ukrainaga yordam uchun 800 million dollar ajratilishi koʻzda tutilgan.
Mavzuga aloqador
-
AQSh Senati Ukraina va Isroilga 110 milliard dollarlik moddiy yordam ajratish toʻgʻrisidagi qonunni rad etdi.
-
Nomaʻʻlum jangarilar Iroq poytaxti Bogʻdod shahri markazidagi qattiq qoʻriqlanadigan “yashil hudud”da joylashgan AQSh elchixonasini raketa bilan oʻqqa tutdi.
