AQShning Bogʻdoddagi elchixonasi nomaʻʻlum jangarilar tomonidan oʻqqa tutildi

Nomaʻʻlum jangarilar Iroq poytaxti Bogʻdod shahri markazidagi qattiq qoʻriqlanadigan “yashil hudud”da joylashgan AQSh elchixonasini raketa bilan oʻqqa tutdi. Bu haqda Shafaq News Iroq xavfsizlik kuchlaridagi manbalariga tayanib xabar qildi.

Qaydetilishicha, Amerika diplomatik missiyasi hududida kuchli portlashlar eshitilgan va binoda signal sirenalari yangragan. Hozircha hech bir harbiylashgan tashkilot hujum uchun javobgarlikni oʻz zimmasiga olgani yoʻq.

Maʻʻlumotlarga qaraganda, Isroil 7 oktyabrʻ kuni Gʻazoga uyushtirgan hujumlaridan keyin AQSh boshchiligidagi xalqaro koalitsiya kuchlarining Iroq va Suriyadagi bazalariga qarshi 70 dan ortiq hujum uyushtirilgan.

Hujumlarning aksariyatini Eron tarafdori hisoblangan shialarning Iroq islomiy qarshiligi deb nomlangan guruh oʻz zimmasiga olgan.