Amerikalik shaxs bir guruh musulmonlarga pichoq bilan hujum qildi
AQShda Bert Jeyms Beyker ismli shaxs Falastinni qoʻllab‑quvvatlab oʻtkazilgan namoyishdan qaytayotgan amerikalik musulmonlarga pichoq bilan hujum qilib, ulardan birini jarohatladi. Amerika-Islom munosabatlari kengashi unga nisbatan nafrat bilan bogʻliq jinoyatda ayblov qoʻyishga chaqirdi.
Amerika-Islom munosabatlari kengashi (CAIR) AQSh
huquq-tartibot idoralarini Texasning Ostin shahrida Falastinni qoʻllab‑quvvatlab oʻtkazilgan
namoyishdan qaytayotgan yosh amerikalik musulmonlarga hujum qilgan Bert
Jeyms Beykerga nisbatan nafrat bilan bogʻliq jinoyatlarda ayblov qoʻyishga chaqirdi.
IslamNews
nashrining Middle East Monitor saytiga tayanib xabar berishicha, 4 fevralʻ
kuni toʻrt nafar amerikalik musulmon Falastinni qoʻllab-quvvatlovchi mitingdan
uyga qaytayotganda, Beyker ulardan
falastinliklarning
kufiya bosh kiyimi va “Falastinga ozodlik” yozuvi tushirilgan bayroqni tortib olmoqchi boʻlgan.
Jabrlanganlarning soʻzlariga koʻra, Beyker odobsiz haqoratlar
bilan baqirgan, soʻng mashina yoʻlovchilariga jismoniy hujum qilgan. Hujum chogʻida u
pichoqni chiqarib, yigitlardan birining koʻkragiga sanchgan va qovurgʻasini sindirgan. Pichoq jarohati bilan kasalxonaga
yotqizilgan musulmon
yigitning hayotiga hozirda hech qanday xavf yoʻq.
“Biz ushbu
ochiq nafrat harakatini keskin qoralaymiz. Hech kim mashinasida Falastin
ramzi tushirilgan buyumlar boʻlgani
uchun nishonga olinmasligi kerak. Falastinga qarshi irqchilik va islomofobiyaga
Texasda ham, mamlakatning hech bir joyida oʻrin yoʻq”, ‑ dedi Dallasdagi CAIR
direktori Mustafa Kerroll.
.png)
Mavzuga aloqador
-
AQSh Senati Ukraina va Isroilga 110 milliard dollarlik moddiy yordam ajratish toʻgʻrisidagi qonunni rad etdi.
-
Nomaʻʻlum jangarilar Iroq poytaxti Bogʻdod shahri markazidagi qattiq qoʻriqlanadigan “yashil hudud”da joylashgan AQSh elchixonasini raketa bilan oʻqqa tutdi.
