Туркий Давлатлар Ташкилоти (ТДТ) бир томондан ўз ичидаги ҳамкорлик ва бирлашиш жараёнини давом эттираётган бўлса, иккинчи томондан ташқи дунё билан очиқ мулоқот ва ҳамкорликни йўлга қўйиб, глобал майдонда таъсирли иштирокчига айланиш йўлида илдам бормоқда.

Президент Шавкат Мирзиёев Озарбайжон президенти Илҳом Алиевнинг таклифига биноан 6–7 октябрь кунлари амалий ташриф билан ушбу мамлакатда бўлади. Давлат раҳбари ташриф доирасида Габала шаҳрида бўлиб ўтадиган Туркий давлатлар ташкилоти (ТДТ)нинг навбатдаги саммитида иштирок этади.

Саммитда ташкилот доирасидаги кўп қиррали ҳамкорликнинг бугунги ҳолати ва истиқболлари юзасидан фикрлар алмашилган. Мирзиёев Халқаро туркий маданият ташкилоти — ТУРКСОЙ фаолияти ва тузилмасини такомиллаштириш бўйича таклифлар ишлаб чиқиш ҳамда Туркий маданият жамғармаси кенгашининг навбатдаги йиғилишини Ўзбекистонда ўтказишни таклиф қилган.