Охирги вақтларда соқоли бор фуқароларимиз ҳуқуқни муҳофаза қилувчи органлар томонидан сўроқ қилиниб, соқоллари олдирилаётгани ҳақидаги хабарларни кўп эшитяпмиз. Бунинг асл сабаби нима? Соқол қўйган эркакларнинг юқоридагиларга ёқмаслигими?! Ёки бу ҳам бир исломофобиянинг кўринишими?!

Британия ҳукумати бир неча ойлик ўрганишлардан сўнг ҳарбий хизматчиларга соқол қўйишни тақиқловчи тартибни “эскирган” деб топди. Ўтказилган сўровларда 54 фоиз эркаклар соқол ёки мўйлов қўйишни афзал кўриши аниқланган. Ушбу қарордан сўнг Британия армиясида хизмат қилишни хоҳловчи ёшлар сони ортиши кутилмоқда.