Саудия Арабистонида ҳукуматнинг зулм сиёсати, сионистларга тобелиги ҳамда ахлоқсизликка йўл очиб бераётганига қарши “Эркин ниқоблилар” ҳаракати оммалашиб бормоқда. Пойтахт Ар-Риёд ва Макка шаҳарларида бошланган норозилик ҳаракати валиаҳд шаҳзода Муҳаммад бин Салмон даврида тобора кучаймоқда. Гап шундаки, ёшлар ўз танқидларини ижтимоий тармоқларда кенг тарқалаётган видеолари орқали ифодалашяпти. Тасвирларда юзлари ниқобланган ёшлар Саудияда ҳақиқатни айтиш жиноятга айлангани, Саудлар режими фақат ҳукмдорни мадҳ этувчи, босқинчи исроилни севадиган ҳамда ахлоқсизликка мойил одамлар учун қучоқ очишини таъкидлашмоқда.

Бу йил Саудия Арабистонида мамлакат тарихидаги энг катта ва узоқ давом этган хэллоуин кечалари ташкил қилинди. 2022 йилдан бошлаб Саудияда нишонланиб келинаётган ушбу "шайтоний маросим" бутун дунё мусулмонларининг эътирозларига сабаб бўлди. Танқидчилар бу ҳолат нафақат мусулмонлар қадриятларига ётлигини, балки Ғарб анъаналарида мавжуд бўлган ўлим ва некрофилия культини оммалаштириш эканлигини айтишмоқда.