Қозоғистон Сенати фуқароларнинг диний эркинлигига бевосита таъсир қилувчи қонун лойиҳасини кўриб чиқмоқда. Унга кўра, жамоат жойларида юзни тўлиқ ёпувчи кийимлар, жумладан, аёлларнинг юзига ниқоб тақиши тақиқланиши мумкин. Бу билан Қозоғистон ҳам қўшниларидан намуна олмоқда: Қирғизистонда ниқоб тақиқи 2024 йил февралидан кучга кирган эди. Ўзбекистонда 2023 йилдан бери амалда, Тожикистон эса аллақачон ниқобни ўзининг "миллий қадриятларига зид" деб эълон қилган.