Исроил Ғазодаги насронийларнинг мавжудлигига геноциднинг бир қисми сифатида барҳам бераётган экан, Ғарб етакчилари буни эътиборсиз қолдирмоқда. Фаластинлик журналист Довуд Куттобнинг бу борадаги фикр-мулоҳазаларини таржима қилдик.

Ишғол остидаги Қуддусда фанатик яҳудий кўчманчилар насроний руҳонийларга ҳам тез‑тез ҳужум уюштирмоқда. Исроил ҳукумати ҳужумчиларни жазолаш масаласига жиддий қарамаганликда айбланмоқда.

Босқиндаги Шарқий Қуддусда полиция қабристон черковига бостириб кирди ва Греция бош консулининг қўриқчисини ҳибсга олди. Ҳибсга олиш "Муқаддас олов тушиши" маросими пайтида содир бўлди. Гувоҳларнинг сўзларига кўра, бунга қўриқчи ва маҳаллий полиция ўртасидаги можаро сабаб бўлган бўлиши мумкин.