«Мен Исломга ишонаман. Мен мусулмонман ва мусулмон бўлишнинг ҳеч қандай ёмон жойи йўқ, Ислом динида ҳеч қандай ёмонлик йўқ. Бу бизга фақат Аллоҳга худо деб ишонишни ўргатади. Сизлардан насроний бўлган баъзиларингиз мен ишонган, коинот ва осмонлар яратувчиси бўлмиш Худога ишонасизлар. Биз ҳаммамиз борлиқни яратган мана шу Зотга эътиқод қиламиз. Ўртамиздаги ягона фарқ шундаки, сиз Уни Худо деб атайсиз, биз эса Аллоҳ деймиз». Малколм Х ким? Нега у ўзига «Х» деб тахаллус олди?

Малколм Икснинг уч қизи АҚШ Федерал Қидирув Бюроси, Марказий разведка бошқармаси ва Нью-Йорк полициясини 1965 йилда оталарининг қотиллигига алоқадорликда айблаб судга берди ва 100 миллион доллар товон пули талаб қилишди. Даъвога кўра, давлат идоралари ва полиция бу фитна ҳақида билган ва иштирок этган, бироқ унинг олдини олишга уринмаган.