Америкалик таниқли фаол, ёзувчи ва собиқ пастор Шон Кинг Рамазон ойининг биринчи куни турмуш ўртоғи билан биргаликда шаҳодат калимасини келтириб, мусулмон бўлишганини эълон қилди.

Ҳарвард университети профессори, ўзак ҳужайралари соҳасидаги машҳур олим Ҳенри Ларсон исломни қабул қилди. У ҳижрий 1445 йил Рамазон ойининг биринчи кунида рўза тутди ва таровиҳ намозини ўқиди, тез орада Умра ибодатини адо этади.

Дунёга машҳур америкалик рэпер ва “жанр отаси” Жонатан Смит (Lil Jon) Калифорниядаги Қирол Фаҳд масжидида араб ва инглиз тилларида шаҳодат айтиб, Исломни қабул қилди. Унинг шаҳолат калимасини келтиргани акс этган видеоёзувга ижтимоий тармоқларда турлича муносабатда бўлинди, бироқ мухлисларининг аксарияти қўшиқчининг қарорини қўллаб-қувватлади.

У сўнгги бир неча йил ичида Ислом динига қизиқиш билдириб, мусулмонларнинг ҳаётини ўрганишни бошлаган. Натижада калимаи шаҳодатни келтирди ва Қуръони каримни тўлиқ ўқиш истагини билдирди.